Guideline Fario Click 45

Guideline Fario Click er nýjasti meðlimurinn í Fario línunni — létt og fágað hjól með klassískri smellbremsu og fullum ramma sem kemur í veg fyrir að þunnar línur festist á milli spólu og ramma.

Ólíkt mörgum sambærilegum hjólum er Fario Click með stillanlegu tví-pinna kerfi sem býður upp á þrjár mismunandi stillingar á viðnámi. Pinnarnir eru með mismunandi þvermál, sem skilar sér í mjúkri og léttari mótstöðu við inndrátt, en ákveðnari og skýrari tilfinningu þegar fiskur tekur út línu.

Smellkerfið er fyrst og fremst hannað til að koma í veg fyrir yfirkeyrslu á spólunni, frekar en að veita raunverulega bremsu. Þetta gerir hjólið fullkomið fyrir léttar veiðar þar sem einfaldleiki, tilfinning og léttleiki skipta mestu máli.

Fario Click er sérstaklega hannað með Euro-nymphing í huga og passar einstaklega vel með LPX Tactical og LPX Nymph stöngunum frá Guideline, auk þess að henta frábærlega á allar léttar og nettar silungastangir.

Hönnun og frágangur

Hjólið er fáanlegt í tveimur stærðum fyrir línuþyngdir #2/3 og #4/5. Í samanburði við „stóra bróður“, Fario LW, er Fario Click léttara, með dýpri en mjórri spólu sem hentar vel fyrir nútímalegar, léttar línur.

Yfirborðið er rafmeðhöndlað (anodiserað) til að auka styrk og tæringarþol. Liturinn, Forest Grey, er djúpur dökkgrár með fíngerðum grænum tón sem kemur fram við ákveðin birtuskilyrði og gefur hjólinu einstaklega fágað útlit.

Í notkun

Fario Click er hjól sem snýst um tilfinningu og einfaldleika. Það gerir stangarsettið ofurlétt og er frábær kostur fyrir veiði þar sem áherslan er á nákvæmni og stjórn frekar en hámarks bremsuafl.

Þetta er því kjörið hjól fyrir aðstæður þar sem lítil hætta er á stórum og kraftmiklum fiski — og fyrir þá sem kunna að meta það þegar „smellhljóðið“ syngur í átökum við fiskinn.

Helstu eiginleikar

• CNC-fræst smíði fyrir nákvæmni og styrk
• Rafmeðhöndlað yfirborð fyrir mikla endingu og tæringarvörn
• Stillanlegt tví-pinna smellkerfi með þremur viðnámsstillingum
• Létt og mjúkt inndráttarkerfi með skýrri tilfinningu
• Fullramma hönnun sem kemur í veg fyrir að línur festist
• Forest Grey litur með silfruðu GL merki
• Auðveld breyting á inndrætti (vinstri/hægri)
• Auka smell-pinni og sexkantlykill fylgir
• Fóðraður nælonpoki fylgir hjólinu
• Aukaspólur fáanlegar í öllum stærðum

VILTU SKOÐA MEIRA?

SMELLTU HÉR