Það eru engin póstburðargjöld á sendingum þegar verslað er í vefverslun Flugubúllunnar

Allar pantanir eru sendar með Íslandspósti. Þar sem Íslandspóstur sér um flutning mun Flugubúllan ekki bera neina ábyrgð á tjóni sem vara kann að verða fyrir í flutningi eftir að varan er send frá Flugubúllunni og þar til viðtakandi tekur við henni.

Ef slíkt mun koma upp er tjónið alfarið á ábyrgð flutningsaðila.

Á vef Flugubúllunnar bjóðum við upp á öruggar kortagreiðslur, debet og kredit, í gegnum greiðslugátt DalPay.
Við bjóðum einnig upp á greiðslur í gegnum Netgíró og Pei.
Í verslun okkar er hægt að greiða með öllum helstu greiðslukortum.

Allar vörur eru fluttar með Íslandspósti.
Í þeim tilfellum sem vara er sótt til Flugubúllunnar að Hlíðasmára 13, Kópavogi, er boðið upp staðgreiðslu við afhendingu vöru, og er þá hægt að greiða með reiðufé, og öllum helstu greiðslukortum. Athugaðu þó að starfsmaður Flugubúllunnar mun hafa samband við þig áður en vörurnar geta verið sóttar.

Í þriðja lagi er boðið uppá að leggja upphæðina inn á bankareikning Flugubúllunnar, Reikningur: 515-26-70916 | Kennitala: 670916-0810 | Banki: Íslandsbanki. Athugið þó að pöntunin verður ekki send af stað fyrr en við sjáum greiðsluna í heimabanka.
Greiðsla verður að berast fyrir pöntun innan 48 tíma frá pöntun. Að öðrum kosti verður pöntun bakfærð og lokuð.

Allar pantanir eru sendar samdægurs, eða næsta virka dag eftir pöntun.
Öllum pöntunum er dreift af Íslandspósti, og gilda þá allir skilmálar Íslandspósts um afhendingu, en í flestum tilvikum tekur flutningur 1 ~ 2 virka daga.

Einnig bíður Flugubúllan viðskiptavinum sínum uppá að sækja verslaðar vörur, og er þá hægt að fá afhent samdægurs í flestum tilvikum.

Flugubúllan bíður á vef sínum uppá öruggar greiðslur greiðslukorta í samvinnu við Dalpay. Engar kortaupplýsingar eru geymdar í gagnagrunnum Flugubúllunnar og öll kortaviðskipti fara í gegnum örugga greiðslugátt DalPay.

Greiðslugátt DalPay er varin með öruggri 128bita SSL dulkóðun sem gerir það að verkum að ógjörningur er fyrir utanaðkomandi að nálgast nokkrar upplýsingar sem upp eru gefnar í verslunarferlinu.

Ef um skemmd eða galla á vöru sem keypt er á vef Flugubúllunnar er að ræða á kaupandi rétt á endurgreiðslu vörunnar. Almennur skilafrestur á gölluðum eða skemmdum vörum eru 30 dagar. Einnig bjóðum við upp á 30 daga almennan skilarétt þar sem hægt er að skila vörum í óopnuðum upprunalegum umbúðum og fá nýja í staðinn gegn framvísun reiknings, og að varan kosti að lágmarki sama verð og sú sem skilað er. Kvittun fyrir vörukaupunum þarf að fylgja með.

Hægt er að hafa samband við okkur hjá Flugubúllunni í póstfangið info@flugubullan.is til að fá nánari upplýsingar.

Ef svo ber undir að einhverjar vörur séu uppseldar eða eru ókomnar, er hægt að ganga frá biðpöntun á völdum vörum. Biðpöntun virkar þá þannig að varan birtist í búðinni eins og hún sé til á lager, en með texta þess efnis að varan sé einungis til gegn biðpöntun. Hægt er að ganga frá pöntun á vörunni sem verður skuldfærð eins og um almenna pöntun væri að ræða. Varan verður svo afgreidd um leið og hún kemur á lager.

Yfirleitt er um að ræða vörur sem eru í pöntun frá framleiðanda, ný-ókomnar vörur, eða vörur sem pantaðar eru reglulega.

Starfsmenn Flugubúllunnar munu vera í sambandi eftir að pöntun hefur verið gerð til að láta vita um áætlaðan afhendingartíma.
Einnig er hægt að vera í sambandi við Flugubúlluna áður en pöntun er gerð til að fá uppgefið um áætlaðan afhendingartíma.

Ekki eru allar vörur sem til eru frá framleiðendum til sölu í vefverslun okkar. Við hinsvegar bjóðum uppá allar vörur Guideline, COSTA, Leeda, Fulling Mill, UMPQUA og Wychwood sem ekki eru í reglulegri sölu í verslun okkar, gegn sérpöntun. Þessar vörur eru í einhverjum tilvikum tilgreindar sem „Ekki til á lager / Sérpöntun / Væntanlegt“ í vefverslun okkar. Utan þess er gríðarlega breitt vöruúrval sem ekki er á vef Flugubúllunnar.
Til að ganga frá sérpöntun, eða spyrjast fyrir um vörur, er best að hafa samband við okkur hér https://www.flugubullan.is/hafdu-samband og tilgreina týpu, og týpunúmer, sem er að finna á hverri vörusíðu fyrir sig.

Starfsmenn Flugubúllunnar munu vera í sambandi eftir að pöntun hefur verið gerð til að láta vita um áætlaðan afhendingartíma, og/eða gefa svör vegna umbeðinna vara.

Flugubúllan heitir kaupanda fullum trúnaði um allar þær upplýsingar sem kaupandi gefur upp í tengslum við viðskiptin. Upplýsingar frá kaupanda verða ekki afhentar þriðja aðila undir neinum kringumstæðum.

Flugubúllan áskilur sér rétt til að breyta verðum í vörulista án fyrirvara, og öll verð eru birt með fyrirvara um myndabrengl eða prentvillur.

Flugubúllan áskilur sér rétt til að hætta við pantanir, t.d. vegna rangra verðupplýsinga og einnig að breyta verðum eða hætta að bjóða upp á vörutegundir fyrirvaralaust.