Pro Sportfisher Propellers

Pro Sportfisher Propeller er snjallt og áhrifaríkt smáatriði sem getur umbreytt flugunni þinni – sérstaklega þegar fiskurinn er tregur eða birtuskilyrði eru erfið. Þessar litlu „skrúfur“ skapa bæði hreyfingu og hljóð fyrir framan fluguna og geta þannig vakið athygli fisksins, jafnvel þegar sjónræn örvun er lítil.

Propellurnar eða skrúfurnar hafa sannað sig við lax- og sjóbirtingsveiði í rökkri, að næturlagi eða snemma morguns. Þær snúast létt í vatninu og gefa frá sér líflegan titring sem líkir eftir bráð á hreyfingu. Einnig framkalla þær mjúkt hvinhljóð í loftinu þegar kastað er — sem gerir þær sérstaklega nytsamlegar í myrkri, þar sem þú heyrir hvar flugan þín er í loftinu.

Ef flugan tekur gróður eða rusl í vatninu hættir skrúfan að snúast – sem gefur þér hljóðmerki um að tími sé til að taka hana inn og hreinsa hana.

Helstu kostir:

• Bætir hreyfingu, titring og hljóð við fluguna
• Sérlega áhrifaríkar í rökkri og næturveiði
• Hjálpar við að greina þegar flugan tekur gróður
• Léttar, endingargóðar og einfaldar í notkun

Stærðir:

• Small: 10 mm – 0,03 g / 8 stk í pakka
• Medium: 13 mm – 0,08 g / 8 stk í pakka
• Large: 17 mm – 0,13 g / 7 stk í pakka

Allt um Pro Tube kerfið frá Pro Sportfisher:

Um Pro Sportfisher

Pro Sportfisher var stofnað árið 2007 í Danmörku af Morten Bundgaard og er nú í eigu og rekstri AHREX HOOKS. Þeir leggja mikla áherslu á þróun, hönnun og framleiðslu á vörum sem standast kröfur fluguhnýtara um allan heim. Markmið þeirra er að bjóða endingargóðar og notendavænar vörur sem þola mikla notkun – jafnvel bitin frá beittum fisktönnum. Einungis er notað efni af hæsta gæðaflokki.

Pro Sportfisher hafa jafnvel farið svo langt að hanna raunsæjar eftirlíkingar af fiskaugum, rækjuskeljum og steinflugum til að veita fluguhnýturum um allan heim forskot sem næstum telst ósanngjarnt á móti öðrum. Dæmi um það er Jungle Cock eftirlíkingar þeirra – ótrúlega nákvæm og sveigjanleg eftirmynd, og jafnframt einstaklega endingargott. Í stuttu máli: jungle cock eftirlíkingar þeirra eru einfaldlega þær bestu sem fást. Punktur. Og það er umtalað!

Pro Tube kerfið þeirra er hannað þannig að allt passar saman – lóð, keilur, perlur og aðrir aukahlutir. Þú þarft ekki lengur að velta því fyrir þér hvort hlutirnir passi eða ekki. Hvort sem þú notar klassískar túpur, nano túpur eða micro túpur, þá er til heildarlína sem uppfyllir allar þarfir þínar við túpufluguhnýtingar.