Pro Sportfisher Classic Tubes

Classic Tubes túpurnar frá Pro Sportfisher eru einstakar í sínum flokki og koma í skærum og áberandi litum, hannaðar fyrir fjölbreytta notkun — allt frá smáum laxaflugum til stærri flugna.

Þú styttir lengd túpunnar eftir þörfum eftir því hversu stór flugan á að vera með því að klippa eða skera túpuefnið til.
Efnisblandan í þessu túpuefni sameinar mýkt og styrk á fullkominn hátt – túpan gefur lítillega eftir við álag en brotnar ekki. Það þýðir að flugurnar þínar halda lögun sinni og endingu, tímabil eftir tímabil.

Eiginleikar:

• Klassískt túpuefni fyrir fjölbreytt flugumynstur
• Hentar jafnt í smáar laxaflugur og stærri túpur
• Endingargott og sveigjanlegt
• Skærir, glansandi litir
• Lengd má auðveldlega stytta eftir þörfum
• Minnsta stærð einungis 1.4mm sem hentar ákaflega vel í litlar micro túpur með t.d. 3.8mm hexagon kón!

Allt um Pro Tube kerfið frá Pro Sportfisher:

Um Pro Sportfisher

Pro Sportfisher var stofnað árið 2007 í Danmörku af Morten Bundgaard og er nú í eigu og rekstri AHREX HOOKS. Þeir leggja mikla áherslu á þróun, hönnun og framleiðslu á vörum sem standast kröfur fluguhnýtara um allan heim. Markmið þeirra er að bjóða endingargóðar og notendavænar vörur sem þola mikla notkun – jafnvel bitin frá beittum fisktönnum. Einungis er notað efni af hæsta gæðaflokki.

Pro Sportfisher hafa jafnvel farið svo langt að hanna raunsæjar eftirlíkingar af fiskaugum, rækjuskeljum og steinflugum til að veita fluguhnýturum um allan heim forskot sem næstum telst ósanngjarnt á móti öðrum. Dæmi um það er Jungle Cock eftirlíkingar þeirra – ótrúlega nákvæm og sveigjanleg eftirmynd, og jafnframt einstaklega endingargott. Í stuttu máli: jungle cock eftirlíkingar þeirra eru einfaldlega þær bestu sem fást. Punktur. Og það er umtalað!

Pro Tube kerfið þeirra er hannað þannig að allt passar saman – lóð, keilur, perlur og aðrir aukahlutir. Þú þarft ekki lengur að velta því fyrir þér hvort hlutirnir passi eða ekki. Hvort sem þú notar klassískar túpur, Nano túpur eða micro túpur, þá er til heildarlína sem uppfyllir allar þínar þarfir við túpufluguhnýtingar.