Guideline NT11 Saline 9′ #7

NT11 Saline saltvatnsstangirnar eru hannaðar fyrir veiðimenn sem gera kröfu um það besta — hvort sem er við ströndina eða á hitabeltisslóðum. Þær sameina mikinn kastkraft og silkimjúka virkni sem gerir þér kleift að takast á við fjölbreyttar aðstæður og tegundir, allt frá sjóbirtingi og bonefish upp í tarpon og túnfisk.

Líkt og aðrar stangir í NT11 línunni eru þær byggðar úr hæsta gæðaflokki koltrefja sem Guideline hefur notað, þar sem 46T hámódúl efni er styrkt með T1100 trefjum. Niðurstaðan er létt, sterk og afar áreiðanleg stöng með hraðri endurheimt og mikilli næmni.

Virkni og kastupplifun

Stangirnar eru með hraða endurheimt og „mid-to-tip“ sveigju sem gerir þær bæði kraftmiklar og nákvæmar. Þær hlaða auðveldlega, skila miklum línuhraða þegar þarf og eru þægilegar í notkun yfir langan veiðidag. Hver gerð er fínstillt fyrir sitt notkunarsvið, þannig að jafnvægi milli krafts og fágunar helst í öllum aðstæðum.

Íhlutir og frágangur eru í hæsta gæðaflokki. FLOR korkur tryggir endingu og gott grip, leiðarar eru léttir og húðaðir með títan fyrir aukna slitþol, og hjólsætin eru sérhönnuð með harð-anodíseraðri áferð. Blankinn er með mattri, dökkri áferð sem gefur stönginni látlaust og faglegt yfirbragð. Hver stöng kemur í léttum og sterkum stangarpoka úr fjórátta teygjanlegu nylon efni, ásamt léttu polycarbonate stangarhólki með sterku ytra hulstri og leðurmerki.

NT11 flugustangirnar eru jafnframt með 25 ára ábyrgð fyrir upprunalegan eiganda, sem nær til galla í efni og/eða framleiðslu.

Gerðirnar

9′ #6: Þessi stöng er hönnuð fyrir metnaðarfulla strandveiðimenn sem vilja toppframmistöðu við fjölbreyttar aðstæður. Með T1100 efninu er hún ótrúlega létt í hendi en hefur samt þann kraft sem þarf til að ráða við vindasamar strendur. Hún heldur þeirri fágun og tilfinningu sem maður væntir af sexu, og hentar einstaklega vel fyrir sjógöngusilung í Skandinavíu og hefðbundna straumflugna-veiði. Hún er jafnframt mjög góður kostur í hitabeltisveiði eftir tegundum eins og bonefish á grunnum flats.

9′ #7: Ein fjölhæfasta stöngin í línunni. Hún deilir sömu frábæru virkni og #6 módelið, en bætir við aðeins meiri krafti og enn sterkari endurheimt. Hún sameinar léttleika og fágun með mjög sannfærandi afli, sem gerir hana að frábærum kosti í allt frá strandveiði eftir sjóbirtingi og hafabassa upp í veiði á stærri bonefish á flats. Fyrir marga verður þetta stöngin sem þeir grípa oftast í við þessa tegund veiði.

9′ #8: Ef ferðinni er heitið í hitabeltisveiði, þá er þetta stöngin sem á að vera með í farteskinu. Hún er það létt að þú getur kastað með #8 línu allan daginn án þess að þreytast, en hefur samt nægan kraft til að vinna gegn sterkum vindi og færa stórar flugur nákvæmlega á réttan stað. Viðbragð og endurheimt eru framúrskarandi, sem gerir hana mjög skemmtilega í notkun. Hún er fyrst og fremst ætluð fyrir bonefish, smærri permit og aðrar hraðsyndandi hitabeltistegundir, en hún nýtist einnig vel á ströndinni þegar veitt er eftir sjóbirtingi eða hafabassa í erfiðum aðstæðum.

9′ #9: Margir líta á 9 feta #9 stöng sem hinn sanna fjölnota lykil í flats-veiði. Þetta er klassísk línuvigt fyrir permit og baby tarpon, en með sterkan bakhjarl sem nýtist einnig vel á vindasömum bonefish flats þegar þarf að þrýsta línunni í gegnum stífan vind. Hún er líka mjög góður alhliða kostur fyrir tegundir eins og peacock bass og golden dorado, þar sem langir dagar á vatninu kalla á létta og næma stöng. Þótt hún sé fyrst og fremst þróuð fyrir hitabeltisveiði, þá er hún einnig frábær í rándýraveiði hér heima, til dæmis þegar kasta þarf stórum flugum eftir geddu.

9′ #10: Þetta er stöng sem ræður við nánast allar aðstæður sem þú getur lent í í hitabeltisveiði. Hún hefur nægan kraft til að kasta stórum og þungum flugum án áreynslu og er frábær félagi við veiði á stórum permit, jacks, meðalstórum tarpon og minni trevally. Með hraðri virkni og vel jafnvægisstilla sveigju er auðvelt að taka línu hratt af vatni og leggja kastið aftur þegar fiskurinn er á hreyfingu. Í þessum línuvigtum kemur styrkur T1100 efnisins sérstaklega vel í ljós — stöngin er bæði aflmikil og ótrúlega létt. Hún er einnig frábær kostur fyrir þá sem veiða stærri rándýr, hvort sem er geddu eða hitabeltisfiska.

9′ #11: Fyrir þá sem vilja öfluga stöng sem er þó léttari í hendi en maður gæti búist við, er þetta rétta valið. Það er ástæða fyrir því að margir tarpon-guidear í Keys velja #11: hún býður upp á meiri nákvæmni, meiri fágun og betri framsetningu fyrir tortrygginn fisk, án þess að gefa neitt eftir þegar kemur að krafti í átökum. Þegar þarf að setja alvöru pressu á fiskinn kemur styrkur og afl T1100 efnisins skýrt fram.

9′ #12: Þetta er stöngin sem þú vilt hafa í höndunum þegar veitt er úr skiffi að stærstu rándýrum heitari hafsvæða. Hún býr yfir öllum kostum línunnar en með enn meira afli til að ráða auðveldlega við stóra tarpon og giant trevally. Hún er þróuð til að gefa ekki eftir í átökum við mjög stóran fisk, en heldur samt áfram að vera þægileg og skemmtileg í kasti yfir langan dag.

8’6″ #14: Mjög sérhæfð stöng sem er hönnuð fyrir erfiðustu og stærstu tegundir hafsins. Hún er ekki byggð með sömu fágun í kastinu og léttari módelin, því hlutverk hennar er annað: að veita þann kraft sem þarf til að standa uppi með sigur í viðureignum við túnfisk, hákarl, sailfish eða marlin. Handfangsuppsetningin er einnig frábrugðin öðrum mód­elum, þar sem #14 stöngin er með svokallaðri bluewater-korklausn og efra handfangið er 265 mm að lengd.

Ekki eru allar gerðir af NT11 Saline til á lager og eru sérpöntunarvara. Afgreiðslutími er stuttur – hafði samband við sölumenn.

Helstu atriði

• T1100 CAP Technology fyrir hámarks styrk, afköst og áreiðanleika
• FLOR korkur í hæsta gæðaflokki, með powder cork styrkingu á neðra handfangi og fighting butt
• Léttir stripping guides með títan ramma og hágæða einnar fótar leiðarar með títanhúðun
• Sérhönnuð hjólsæti með harð-anodíseraðri, rispuþolinni hálfmattri áferð
• Mattur dökkgrátt blank með látlausu og fáguðu útliti
• Dökkgráir vafningar með fíngerðum bláum áherslum á ferrulum, stripping guides og logo-svæðum
• Léttur og sterkur stangarpoki ásamt polycarbonate stangarhólki
• 25 ára ábyrgð fyrir upprunalegan eiganda

VILTU SKOÐA MEIRA?

SMELLTU HÉR