Veiðibúnaður okkar fær oft á sig mikla ágjöf. Fyrr eða síðar byrja vöðlur að leka, vöðluskór slitna og rennilásar á veiðitöskum gefa sig. Spurningin er hins vegar: hversu lengi endist búnaðurinn í raun? Og hversu vel er hann smíðaður?
Í 100 daga búnaðarprófunum sem Troutbitten.com hefur gert í gegnum árin er búnaður skoðaður eftir að hafa verið notaður í að minnsta kosti hundrað daga. Á veiðibúnaður ekki að endast lengur en það? Jú, sannarlega. En eftir margra mánaða notkun í krefjandi aðstæðum er hægt að fá upp mjög góða mynd af því sem maður keypti.
Búnaðarumsagnir á Troutbitten byggja á vörum sem þeir nota mikið og treysta. Þetta eru heiðarlegar umsagnir byggðar á raunverulegri reynslu úr veiðinni. Þeir veiða mikið og setja búnaðinn í raunverulegt álag — og segja hlutina eins og þeir eru.
Við höfum tekið þessa búnaðarumsögn og fært yfir á íslensku svo hérlendir neytendur geti gert upp hug sinn varðandi þessa vöru.
Skwala kynnti nýlega RS vöðluskóna, sem haka við nánast öll atriði á óskalistanum yfir hina fullkomnu vöðluskó.
Eftir notkun í yfir 100 veiðidaga í ánni (nákvæmlega 116) hefur nægri reynslu verið safnað til að gefa raunhæfa mynd af þeim. Í stuttu máli sagt: þetta eru bestu vöðluskór sem greinarhöfundur hefur nokkurn tíma notað — og þeir eru orðnir uppáhalds skór viðkomandi.
RS skórnir eru nákvæmlega það vonast var eftir að fyrst heyrðist af áformum Skwala um að þróa vöðluskó sem fylgdu sömu hugmyndafræði og annar búnaður þeirra: nýsköpun, ending og þægindi — hannað út frá þörfum alvöru veiðimanna.
Eftir alla þessa daga við ána sýna RS skórnir ótrúlega lítið slit. Engir saumar hafa gefið sig og límingar halda vel (fyrir utan örlítið los á táhlífinni). Jafnvel sólarnir hafa staðist bæði langar göngur meðfram ánni og krefjandi veiðiferðir.
Þeir sem hafa gaman að því að kanna ný svæði og færa sig á milli staða til að finna fisk ættu að elska þessa skó.
Ef maður leggur það saman er um að ræða yfir 320km sem ég gengnir voru á þessum 100+ dögum í þessum skóm — og samt líta sólarnir enn svona út.
Einn af aðal eiginleikum RS skónna er stuðningurinn sem þeir veita, og sá eiginleiki hefur haldist vel. Sumir dýrir vöðluskór byrja með stuðning sem minnir á góða gönguskó, en eftir aðeins nokkrar vikur af mikilli notkun breytist sá stuðningur í mjúka og óstöðuga tilfinningu.
Það gerist ekki hér. RS skórnir frá Skwala eru enn nánast eins og daginn sem byrjað var að nota þá.
Það er sérstaklega athyglisvert þegar haft er í huga að skórnir sem voru prófaðir hafa sjaldan fengið tíma til að þorna alveg á milli veiðiferða. Það bendir til þess að Skwala hafi virkilega náð að hanna eitthvað sérstakt.
Kevin Sloan og Rich Hohne hjá Skwala voru spurðir einnar spurningar áður en þessi grein var skrifuð:
Hver voru helstu markmiðin þegar RS vöðluskórnir voru hannaðir?
Svör þeirra voru skýr frá upphafi:
Greinarhöfundur hefur notað og slitið vöðluskóm frá flestum helstu framleiðendum í greininni: Simms, Orvis, Korkers, Patagonia, Cabela’s og LL Bean. En það sem Skwala hefur náð fram með RS skónum er einfaldlega eitthvað annað.
Það er auðvitað óhjákvæmilegt að þeir slitni einhvern tíma, en Skwala hefur að mati höfundar náð fyrsta markmiðinu: að smíða eins endingargóða vöðluskó og mögulegt er.
Árnar sem veitt var í yfir þessa 100 daga í eru fullar af hvössum steinum og sterkum straumum. Vaðið er erfitt og vegalengdirnar langar. Þess vegna er þessi sjaldgæfa samsetning þæginda, stuðnings og endingar í RS skónum sérstaklega vel þegin.
Skwala kynnti einnig nýja hönnun á sólanum með svokölluðum stiglaga tönnum (stepped lugs).
Greinarhöfundur notar venjulega nagla í vöðluskóm, en ákvað að prófa RS skóna í viku án nagla til að sjá hvernig þessi nýja lausn virkar. Gott grip fæst þegar gúmmíið bítur í steininn á mismunandi hornum, og stiglaga mynstrið frá Skwala skapar margar skarpar gripbrúnir.
Hann kýs enn að nota nagla, en RS skórnir eru þeir mest grípandi skór sem hann hefur notað án þeirra.
Stærðakerfi vöðluskóa virðist mismunandi eftir framleiðendum. Sumir framleiðendur miða við hefðbundna skóstærð, á meðan aðrir taka mið af því að skórnir þurfi að rúma 5 mm neoprene-sokka úr vöðlum.
Skwala mælir með að kaupa sömu stærð og þú notar venjulega í skóm, en taka hálfa stærð upp ef þú ert á milli stærða.
Þannig að ef þú t.d. notar stærð US9,5–10 í venjulegum skóm þá ættu stærð US10 í Skwala að passa þér mjög vel. Seint síðasta haust fékk greinarhöfundur líka stærð 11 sem frumgerð frá Skwala. Þeir skór reyndust mjög hentugar sem vetrarskór, þar sem viðkomandi gat notað tvo eða þrjá ullarsokka til einangrunar.
Ef vöðluskórnir reynast aðeins of rúmir er einföld lausn að setja aukainnlegg í skóna.
Þegar valdir eru vöðluskór þarf að leggja mesta áherslu á stuðning og gott grip. Það þýðir yfirleitt að maður þarf að sætta sig við meiri þyngd.
En Skwala hefur einhvern veginn náð að halda þyngdinni niðri. RS skórnir eru léttari en margir aðrir þegar þeir eru þurrir, en það sem vekur mesta athygli er hversu léttir þeir eru þegar þeir eru blautir.
Þetta eru ekki gönguskóefni sem hafa verið sett í vöðluskó. Þetta eru nútímaleg efni sem eru sérstaklega valin til að hrinda frá sér vatni og þorna hratt.
RS skórnir eru ekki ofbyggðir. Þeir eru markvisst hannaðir fyrir veiði.
Eins og Rich Hohne orðaði það:
„RS skórnir eru afrakstur þess að byrja með autt blað og spyrja: Hvað þurfa alvöru veiðimenn í raun og veru í vöðluskóm?“
Þar hittu þeir naglann á höfuðið.
Greinarhöfundur er Domenick Swentosky hjá Troutbitten.com
