Leiðbeinandi: Ragnar Ingi Danner
Ragnar Ingi Danner – eða Raggi Danner – er vel þekktur í íslenska veiðisamfélaginu. Hann hefur hnýtt ótal glæsilegar laxaflugur í gegnum árin og er sérstaklega metinn fyrir næmt auga fyrir litum, formi og trúverðugri byggingu. Með yfirgripsmikilli reynslu af bæði hnýtingum og laxveiði leiðir hann þátttakendur inn í fagurheim laxaflugunnar á skýran, hagnýtan og nákvæman hátt.
Námskeiðið hentar þeim sem þegar hafa einhvern grunn í fluguhnýtingum og vilja læra hvernig laxaflugur eru byggðar upp frá fyrstu handbrögðum og efnisvali — allt til fullbúinnar, veiðihæfrar flugu.
Allt sem þú þarft.
Allt efni, áhöld, væs og fræðsla — þú mætir tómhent(ur), en ferð heim með bæði þekkingu og eigin hnýttar flugur.
Þátttakendur fá að kynnast þeim aðferðum og smáatriðum sem einkenna vel hnýttar laxaflugur, þar sem jafnvægi, form og litaval skipta öllu máli.
Raggi mun fara yfir:
efnisval og eiginleika sem skipta máli í laxaflugum,
uppbyggingu á einkrækjum, tvíkrækjum og þríkrækjum,
hvernig velja á rétta stærð og vídd í vængi, búk og skott,
litaval og efnisblöndur sem gefa flugunni karakter og líf.
Að lokum hnýta þátttakendur sínar eigin flugur undir leiðsögn Ragga, þar sem lögð er áhersla á snyrtimennsku, endingargæði og áreiðanlega framleiðslu.
Námskeiðin verða haldin í verslun Flugubúllunnar, Hlíðasmára 13, Kópavogi
Laxafluguhnýtingar 1 – verð kr. 23.000,-• 3. feb & 5. feb 2026
LOKIÐ
• kl. 19:00–22:00 bæði kvöld
Laxafluguhnýtingar 2 – verð kr. 23.000,-
• aukanámskeið – kynnt síðar
• kl. 19:00–22:00 bæði kvöld
Einungis 6 sæti eru í boði á hverju námskeiði.
Þannig fær hver og einn tíma, athygli og faglega leiðsögn frá Ragga sér til handa.
Allir sem taka þátt hafa kost á að versla sér fluguhnýtingaefni á staðnum á afsláttarkjörum á meðan námskeiðinu stendur.
Smáatriðin ráða úrslitum. Jafn þráður, rétt og snyrtileg uppbygging gerir fluguna bæði fallegri og áreiðanlegri í vatni.
Rétt efni getur breytt hegðun flugunnar. Þekkja þarf eiginleika allra efna og velja efni sem styðja form og tilgang flugunnar.
Fluguhnýting er list sem lærir sig með ró. Bestur árangur fæst með því að hægja á sér, endurtaka og hlusta á – þá verður hver fluga skref fram á við.
Í samstarfi við fjölmarga hnýtara sem eru þekktir og dáðir fyrir hnýtingar sínar munum við hjá Flugubúllunni bjóða upp á ýmis sérhæfð námskeið í fluguhnýtingum.
Kíkið á önnur námskeið sem við höfum upp á að bjóða.
13.-14. janúar 2026 – 2 kvöld
LOKIÐ
⏰ 19:00 – 22:00
Aukanámskeið – 2 kvöld
⏰ kynnt síðar
Námskeið fyrir lengra komna í fluguhnýtingum þar sem kennt verður að hnýta fallegar og flóknar straumflugur og Game Changer flugur.
Skoða Námskeið
9.-10. desember 2025 – 2 kvöld
LOKIÐ
⏰ 19:00 – 22:00
20.-21. janúar 2026 – 2 kvöld
LOKIÐ
⏰ 19:00 – 22:00
27. & 29. janúar 2026 – 2 kvöld
LOKIÐ
⏰ 19:00 – 22:00
Þetta eru hagnýt og notendavæn námskeið þar sem þú lærir rétt handtak, fínleika og flæði sem gefur byrjendum yfirsýn og færni sem nýtst strax.
Skoða Námskeið
28.jan & 4. feb 2026 – 2 kvöldLOKIÐ
⏰ 19:00 – 22:00
11.feb & 18. feb 2026 – 2 kvöld
LOKIÐ
⏰ 19:00 – 22:00
Caddis bróðirinn Hrafn Ágústsson leiðir þáttakendur í gegnum gerð þurrflugna en Hrafn er einn fremsti hnýtari á því sviði á landinu.
Skoða Námskeið
